中國六四事件，欲滿34週年。國際特赦組織佮臺灣的「曉劇場」合作，共佇中國佮香港，
予人禁止演出的舞台劇《5月35日》搬來到臺灣，6/3欲演出。這齣戲是對一對尪仔某開始
講，亻因囝佇64事件當中過往，決定去天安門廣場悼念，講出這段無可能放袂記的歷史。

面對家己的囡仔、六四的時佇天安門廣場受難，破重病的母親，人生想欲做的上尾一件代
誌，就是去天鰻門廣場看看咧。這是國際特赦組織、參台灣曉劇場合作，推出以中國六四
事件為主題的舞台劇《5月35日》。

《5月35日》導演鍾伯淵表示：「看咱的歷史，咱看著228，咱也看著白色恐怖，演出當中
也用一寡台灣的禁歌，去講咱也捌有過這寡事件，咱愛按怎佇未來，避免這款代誌閣再發
生。」

「六四舞台」主席列明慧表示：「因為港區國安法過去捌有案例，因為一寡網路上的言論
，閣轉去香港的時，是有機會予人掠的，所以其實我決定佇海外，繼續《五月三十五》的
工課了後，我決定我是袂閣再轉去香港。」

國際特赦組織台灣分會秘書長邱伊翎表示：「阮有粵語讀劇的香港演員，其實in也會因為
按呢，承受真大的壓力，包括in猶有親人可能攏猶佇香港，所以in落尾是會掛尪仔面來演
出。」

六四事件到今已經34年，香港的藝術表演者--列明慧表示，佇香港國安法實施了後，有濟
濟親像六四紀念館、國殤之柱，這寡六四事件相關的物件、攏佇香港漸漸消失。希望通透
過這齣戲，會當繼續保存這寡記持。